Para hoxe, ás 17:30 horas, no edificio multiusos do concello de Irixo, está prevista unha charla para familiares e coidadores de enfermos de alzheimer e outras demencias.
Dita charla está organizada pola Mancomunidade de Concellos do Carballiño e a asociación de enfermos de alzheimer de Ourense (afaor). Dende o Programa de Educación Familiar, véñense realizando durante o ano, charlas informativas nos diferentes concellos da mancomunidade, co fin de previr e informar á poboación sobre diversas problemáticas de interese.
Os veciños de Piñor aprenderán a evitar o consumo compulsivo
O Concello de Piñor informa de que o vindeiro venres 30 de outubro, terá lugar ás 16:00 horas un obradoiro sobre consumo responsable. A actividade desenvolverase no salón de plenos, e o obxectivo será dotar ós participantes de pautas de consumo axeitadas, evitando as compras compulsivas ou o consumo indiscrimidado de produtos ou servizos (auga, electricidade, etc). Co fin de educar a nosa poboación realizarase unha charla participativa, que rematará en torno ás 20 horas.
Avantar organiza ‘Tasca e Literatura’
A asociación cultural Avantar organiza no Carballiño para o domingo, día 1 de novembro, a súa tradicional actividade de ‘Tasca e Literatura’, que se celebrará na Adega de Flores a partir do mediodía. O recital poético, no que participan autores locais e invitados, complementarase coas actuacións musicais dos grupos Amigas da Muiñeira de Carballiño, e Os Sarandeiros de Boborás.
Fuente: laregion.es
